Thursday, March 29, 2012

Khushi

Wo aik jang thi,
Khushi ki jang.

Andar ki khushi,
Aur Wabasta khushi k darmiyan.

Wo kehta tha..
Mujhe pana tumhari wabasta khushi hy,
Apni khushiyan logo se nahi,
Apne andar se milti hen.
Yehi asal hasil hy,
Jiski talash tmhain khud me karni hy.
Mujh me nahi!

Wo kehti thi..
Tumhi meri andar ki khushi ho.
Jiski sada bohat talash k bad pehli bar,
Mujhe apne andar se sunae deti hy.
Tumhain pa lena meri zid nahi,
Mera hasil hy.
Meri asal khushi ko lahasil na karo!

Phir kuch yun hua k..
Ye jang larte larte..
Waqt bohat beet gaya..
Intizar ki ghariyan kuch aesi taweel hoen,
K hisaab hi na raha..
Ahsas ka daaman choot gaya.

Wo andar ki khushi kahin mar gaye..
Aur wo wabasta khushi wabasta na rahi...

No comments: